Andrologiya və Seksopatologiya Azərbaycanda

055 655-00-66 050 363-83-86

















Cinsi zəifliyin təbii müalicəsi
Kişi cinsi gücünün artırılması üçün xüsusi gimnastikaya əsaslanan sadə və olduqca effektli metodikadan istifadə edin. Hər səhər və axşam, bir neçə dəqiqə ərzində cəmi altı xüsusi hərəkətdən ...
5098

Masturbasiya
Masturbasiya (onanizm, əllə boşalmaq) - öz cinci orqanlarının stimullaşdırılması yolu ilə, seksual təmin olunmanın əldə edilməsidir. Müasir baxışlara görə, masturbasiya - cinsi fəaliyyətin qoruyucu klapanı ...
5508

Cinsi orqanın ölçüləri
Bütün zamanlarda cinsiyyət orqanının ölçüləri probleminə xüsusi diqqət yetirilmişdir. Böyük cinsi orqan kişinin gücünün və hakimiyyətinin əksi, onün üstünlüyünün simvolu sayılırdı. Əsas olan ...
10181

Kişilər üçün intim gigiyena
Kişilər üçün intim gigiyena qaydaları Cinsiyyət orqanlarının gigiyenası (yunan sözü Hygieinos – sağlamlıq gətirən, müalicə) kişilərdə sağlamlığın qorunması və möhkəmlənməsinə xidmət edən, ...
13706

Birinci toy gecəsi
Hər bir ailənin həyatında elə anlar - saatlar, bəlkə də dəqiqələr var ki, hansılar ki, ailəni monolit və xöşbəxt edə və ya dibindən vurub yıxa bilər. Belə anların birinə birinci toy gecəsi də aiddir. ...
55502

Erkən boşalma
Erkən boşalma (tez boşalma, erkən eyakulyasiya) - hər iki partnyorun seksual məmnunluq almaları üçün kifayət edəcək dərəcədə cinsi aktın müddətini kişi tərəfindən nəzarət edə bilmədiyi vəziyyət ...
47924

Cinsi gücün artırılması
Son illər Azərbaycanda bir çox kişilər öz cinsi sağlamlığı haqqında düşünürlər. Daimi gərginlik, stresslər, istirahətin olmaması, pis ekologiya və bir çox digər amillər kişi cinsi sağlamlığına ...
55639

Cinsi yolla keçən xəstəliklər
Kişilər üçün 10 «qızıl» qaydaCinsi infeksiyalar çox geniş yayılmışdır. Ekspertlərin hesablamalarına görə, yer kürəsində hər altı sakindən biri, nə vaxtsa cinsi yolla ötürülən hansısa bir xəstəliklə ...
30271

Sual və Cavablar

Dr. Orxan Ağabəyov
2014-12-18
SALAM. SUALLARIN SAYI ÇOX OLDUĞUNDAN, SUALLARIN BİR QİSMİ 1 GÜNƏ DEYİL - 2 GÜNƏ CAVABLANDIRILA BİLƏR. ONLİNE-KONSULTASİYA BÖLÜMÜNÜ İZLƏYİN VƏ ƏN ƏSAS SUALLARIN VERİLMƏ TARİXİNƏ FİKİR VERİN. ƏGƏR SUALINIZA DƏRHAL CAVAB ALMAQ İSTƏYİRSİZSƏ, 055 655 00 66 VƏ 050 363 83 86 NÖMRƏLƏRİ İLƏ, MƏNİMLƏ ƏLAQƏ SAXLAYA BİLƏRSİZ. UĞURLAR!

2014-12-18



baxtyar
2014-12-17
salam.hekim mende bele bir gic xasiyyet var bir seyden biraz subhelendim gerek axracan gedim.men 5 ay bundan qabaq bir qiznan cinsi elaqede olmusdum.sonra 1 hefteden sonra sidiye gedende goyneme yanma olurdu.sidik analizi verdim 1,2 derman birde cay yazdilar.sonra Allahin komekliyi ile sagaldim.bu yaxinlarda qiznan danisdim yarizarafat yariciddi(qizdaki cox zarafatcildi) mene diyirki qics xestesidi ve diyirki get ozvu yoxlat.indi oz ozme subhelenmisem bu xesteliyden.oxudugum melumatlara gore qics xestesinin imuniteti cox zeif olur.amma menimse arqanizmim gucludu bu 5 yaxud 6 ay erzinde bir defe soyuq deyib ya deymiyib qizdirmamsa hec olmuyub.istahimda superdi,ozmu hemse yaxsi his edirem .menim xesteliye tutulma ehtimalim ola biler?
Dr. Orxan Ağabəyov
2014-12-18

Salam Baxtyar. Bu xəstəlik haqqında bu qədər düşünməkdənsə, sadəcə müayinədən keçib - nəticəni bilmək olar. Bu müayinənin qiyməti 5 AZN-di. Daha ətraflı məlumat üçün, 055 655 00 66 və 050 363 83 86 nömrələri ilə, mənimlə əlaqə saxlaya bilərsiz. Uğurlar.


Senan
2014-12-17
Doktor salam artiq 3 cu defedirki, size yaziram ama hecbir cavab yox, xahis edirem cavablandirin, Doktor mende sol terefli qasiq xaya yirtigi var, ama cinsi zefiliyim yadim yoxdu, mende emeliyyat eletdirmek istemirem sualim oki, doktor men bunu emeliyyat eletdiremesem bu mene gelecekde problem yarada bilermi?.Yani sonsuzluga sebeb ola bilermi?.
Dr. Orxan Ağabəyov
2014-12-18

Salam Senan. Əlbəttə sualınız cavablandırılıb. Nəzərə alın ki gün ərzində 20 - 30 sual cavablandırılır və cavabı oxumaq üçün, yalnız yuxarıdakı cavablara deyil,  səhifədəki bütün cavablara nəzər yetirin. Ok, təkrar cavab verirəm -  problemlər ola bilər, yırtığın yalnız cərrahi müalicəsi var, yəni əməliyyatdan başqa variant yoxdur. Aydındır ki, yırtıq qaldıqca, xayada bir sıra mənfi dəyişikliklər yaranır və nəticədə bu spermanın keyfiyyətinin zəifləməsi ilə nəticələnə bilər. Əməliyyat etmək məsləhətdir, bu əməliyyat çətin əməliyyat deyil, narahat olmayın. Daha ətraflı məlumat üçün, 055 655 00 66 və 050 363 83 86 nömrələri ilə, mənimlə əlaqə saxlaya bilərsiz. Uğurlar.


cek
2014-12-17
Salam hekim. Baqislayin sizi narahat etdiyim ucun. Hekim mende son 1 ay erzinde cinsi elaqe cox zeyifleyib. yeni sertlesme baximindan hissiyat azalib bu neyle baqli ola biler?
Dr. Orxan Ağabəyov
2014-12-18

Salam Cek. Sizdə potensiyanın zəifləməsi halları var. Səbəblər müxtəlif ola bilər - psixoloji(daimi stresslər, gərginlik,depressiya) və orqanik (prostatit, hormonal pozğunluq və s.).  Bu səbəbləri müəyyənləşdirib, düzgün müalicə təyin etmək olar. Daha ətraflı məlumat üçün, 055 655 00 66 və 050 363 83 86 nömrələri ilə, mənimlə əlaqə saxlaya bilərsiz. Uğurlar.


ramin
2014-12-17
salam hekim men aileliyem 4 ildi ovladim olmur tezelikce oyrendimki mende damar genislenmesi var ve 20 gun bundan qabaq emeliyyat olmusam gecikmisdi mende cerrah mene dediki mualice goturmelisen mualice goturmesem menim ovladim olma ehtimali var hekim?
Dr. Orxan Ağabəyov
2014-12-18

Salam Ramin. Bu sual mənə aydın deyil, yəni əgər 4 il ərzində uşaq olmursa və artıq əməliyyat da olunmusuzsa, niyə də müalicə kursu keçməyəsiz ki?! Ümumiyyətlə, kişilərdə uşağın olub-olmaması yalnız spermanın keyfiyyətindən asılıdır - yoxlamaq üçün spermoqramma analizi vermək lazımdır. Əgər göstəricilər normadan azdırsa, müalicə kursu təyin olunur.  Daha ətraflı məlumat üçün, 055 655 00 66 və 050 363 83 86 nömrələri ilə, mənimlə əlaqə saxlaya bilərsiz. Uğurlar.


Raul
2014-12-17
Salam Orxan bəy erkən boşalmanın uşaq olmasına təsiri varmı? Varsa nə kimi təsir edə bilər? Öncədən təşəkkür.
Dr. Orxan Ağabəyov
2014-12-18

Salam Raul. Əgər cinsi əlaqə zamanı boşalma erkən olarsa, cinsi partnyorda orqazm olmur, yəni cinsi əlaqədən məmnunluq olmur və nəticədə partnyor narazı qalır və buda münasibətlərdə bir sıra problemlər yarada bilər.  Kişilərdə uşağın olub-olmaması yalnız spermanın keyfiyyətindən asılıdır - yoxlamaq üçün spermoqramma analizi vermək lazımdır.  Daha ətraflı məlumat üçün, 055 655 00 66 və 050 363 83 86 nömrələri ilə, mənimlə əlaqə saxlaya bilərsiz. Uğurlar.


asim
2014-12-16
Salam hekim.Menim penisimde asagiya dogru eyrilik var.bunu emeliyyatsiz duzeltmek olar?Birde ereksiya halinda tam sertlesme olmur.Sebeb ne ola biler?Ne meslehet vererdiz. Evvelceden tesekkur edirem
Dr. Orxan Ağabəyov
2014-12-18

Salam Asim. Yüngül dərəcəli penis əyriliyi bir çox kişidə var və xüsusi müalicə tələb etmir. Əgər əyrilik artırsa və ereksiya problemləri yaranırsa, müalicə olunmalıdır. Əməliyyat və ya dərman preparatları ilə müalicə, əyriliyin səviyyəsindən asılıdır. Daha ətraflı məlumat üçün, 055 655 00 66 və 050 363 83 86 nömrələri ilə, mənimlə əlaqə saxlaya bilərsiz. Uğurlar.


xazar
2014-12-16
salam doktor sizin qebulunuza nece duse bilerem menim bir problemim var onunla elaqeder sizi naraht etdim mumkune sizinle elaqe saxlaya bilerem
Dr. Orxan Ağabəyov
2014-12-18

Salam Xazar. Ünvan: Nyu-med klinikası, Həsən Əliyev kücəsi, 29. Qəbul vaxtını dəqiqləşdirmək üçün, 055 655 00 66 və 050 363 83 86 nömrələri ilə, mənimlə əlaqə saxlayın. Uğurlar.


Radik
2014-12-16
Salam həkim.Məndə ereksiya yüksək səviyyədədi. Adi söhbətdən belə həvəs oyanır. Lakin erkən boşalma .Spermanın təziqi və penisinqısalığından özümü narahat hiss edirəm. Penisin hər hansı bir pereparatla uzatmaq olarmı. Təşəkkürlər.
Dr. Orxan Ağabəyov
2014-12-18

Salam Radik. Erkən boşalmanı müalicə etmək olar. Penisin ereksiya vəziyyətində 12 sm-dən artıq uzunluğu, normaya uyğun sayılır. Əgər hormonal çatışmazlıq yoxdursa, penisin ölçülərinə heç bir dərman preparatı təsir etmir. Daha ətraflı məlumat üçün, 055 655 00 66 və 050 363 83 86 nömrələri ilə, mənimlə əlaqə saxlaya bilərsiz. Uğurlar.


Famil
2014-12-16
salam Doktor. tenasul sisteminin boyumesi mumkundur ya yox? mumkundurse nece yawa qeder. tenasul sisteminin zeif inkafi nedendi? cinsi elaqe vaxti ugursuzluq olub ama bawqa vaxtlar her wey qaydasindadi. bunun sebebi nedi? indiden coox sag olun
Dr. Orxan Ağabəyov
2014-12-18

Salam Famil. 1. Penisin inkişafı adətən 17-19 yaşa kimi davam edir, zəif inkişaf ya genetik faktorlar ya da hormonal catışmazlıq ola bilər. 2. Bu daha çox, psixoloji səbəbləri olan problemdir. Yəni, cinsi əlaqə başlayanda, Sizdə müəyyən narahatlıq yaranır - ereksiya necə olacaq? Daxil ola biləcəm? və s. Bu narahatlıq, ereksiyanın normal mexanizmlərini pozur və nəticədə, ereksiya itir. Müalicədə, həm dərman preparatları, həmdə rasional psixoterapiya metodlarından istifadə olunur. Daha ətraflı məlumat üçün, 055 655 00 66 və 050 363 83 86 nömrələri ilə, mənimlə əlaqə saxlaya bilərsiz. Uğurlar.


huseyn
2014-12-16
salam men yaxinliq edense biraz 4 sm iceri salib bosalmisam qizin hamile ehtimali var? birde mende sertlik yaranmir bununcun ne etmeliyem onceden tewekkur
Dr. Orxan Ağabəyov
2014-12-18

Salam Huseyn. Əgər sperma qadının uşaqlıq yoluna gedibsə, hamiləlik ehtimalı var. Əgər ereksiya (sərtlik) problemləri varsa, səbəbləri müəyyənləşdirib, müalicə kursu keçməyiniz məsləhətdir. Daha ətraflı məlumat üçün, 055 655 00 66 və 050 363 83 86 nömrələri ilə, mənimlə əlaqə saxlaya bilərsiz. Uğurlar.


Azer
2014-12-16
Salam size bir sualim var xaiw edirem cavablandirasiz menim bele hec bir problemim yoxdu amma qiz yana gedende cinsiyet qalxmir yada zeif qalxir amma bele ayri bir vaxt qalgir bunun sebebi ne ola biler
Dr. Orxan Ağabəyov
2014-12-18

Salam Azer. Cinsi orqanın qalxması elə qadınla cinsi əlaqə zamanı lazımdır, başqa vaxt ereksiyanın olub-olmaması önəmli deyil. Bu situasiyada psixoloji faktorlar əsas ola bilər, amma hər bir halda cinsiyyət sistemini yoxlayıb, dəqiq müalicə təyin etmək olar. Daha ətraflı məlumat üçün, 055 655 00 66 və 050 363 83 86 nömrələri ilə, mənimlə əlaqə saxlaya bilərsiz. Uğurlar.


Ehmedov Rufat
2014-12-16
salam doktor qardasimin 11 yasi var idmanla mesqul olarken cox press saxlamaqdan sol terefde qasiqda agri,sol xayasinda qizarti ve sis emele gelib. Bunun fesadlari ne ola biler? sol xayasinin diametri qoz boyukluyundedir.
Dr. Orxan Ağabəyov
2014-12-18

Salam Rufat. Bunun gələcəkdə bir çox ciddi fəsadları ola bilər, sonsuzluqa qədər. Mütləq uşaq uroloquna müraciət edin. Uğurlar.


Famil
2014-12-16
Həkim salam .Xahiş edirəm sualimi cavablandırın. Her gun seher yuxudan ayilanda mende ereksiya olur.Bunun sebebi nedir? birdeki xayalardan biri sol terefdeki saga nisbeten olculeri kicikdir? Bu normal haldir yoxsa hansisa problem var?
Dr. Orxan Ağabəyov
2014-12-18

Salam Famil. Hər iki yazdığınız hal tamamilə normaya uyğun hallardı, narahat olmayın. Uğurlar.


melek
2014-12-16
Hekim salam. Anal seksle mesgul olub ordan axan spermani tez silmekle hamile qalmaq riski varmi? Birde qiz bakiredi ve penis iceriye falan girib elemiyib.
Dr. Orxan Ağabəyov
2014-12-18

Salam Melek. Nəzəri cəhətdən bu mümükündü, amma ehtimal həddən artıq azdır. Daha ətraflı məlumat üçün, 055 655 00 66 və 050 363 83 86 nömrələri ilə, mənimlə əlaqə saxlaya bilərsiz. Uğurlar.



Əjdər
2014-12-16
Salam həkim, mən qadınla olandan sonra narahatcılığım oldu. həkim milnən analiz götürdü, heçmə çıxmadı. Amaki analizdən sonra sidik mənim pensimin içinə dolur. Hər saniyə mənim pensim içinə su yığılır. bu keçib gedər yoxsa analizdə zədəliyiblər?
Dr. Orxan Ağabəyov
2014-12-18

Salam Əjdər. Daha ehtimal olunan səbəb, diaqnostikanın ya düzgün ya da tam aparılmamasıdır. Belə əlamətlər varsa, deməli cinsiyyət sistemində ya cinsi infeksiya ya da iltihabi proses var. Dəqiqləçdirib, müalicə kursu keçməyiniz məsləhətdir. Daha ətraflı məlumat üçün, 055 655 00 66 və 050 363 83 86 nömrələri ilə, mənimlə əlaqə saxlaya bilərsiz. Uğurlar.


kenan 016
2014-12-16
Salam Orxan bey. Mende spermanin faizi asagidir.bu xayalarda olan kistalarla elaqedar ola biler. Olculeri beledir.sag xaya 10×6mm, 3.5×2.5mm. Sol xayada 6×4mm, 4.1×3.1mm,2.2×2mm olculeridedir. Mene deyibler emeliyat olunmalisan. Sualim beledi. Kistalar spermanin zeifliyine sebebdir? Minnetdaram.
Dr. Orxan Ağabəyov
2014-12-18

Salam Kenan 016. Nadir hallarda xaya artımı kistaları spermanın keyfiyyətinə təsir edə bilər. Amma əməliyyatdan öncə, başqa ehtimal olunan səbəblər mütləq araşdırılmalıdır. Daha ətraflı məlumat üçün, 055 655 00 66 və 050 363 83 86 nömrələri ilə, mənimlə əlaqə saxlaya bilərsiz. Uğurlar.


Ferid
2014-12-16
Salam doktor spermanin faizi ne qeder olmalidi?
Dr. Orxan Ağabəyov
2014-12-18

Salam Ferid. Müasir normativlərə görə spermoqrammada, irəli hərəkətli spermotozoidlərin faizi 32% -dən çox, ümumi hərəkətlilik isə 40 % -dən çox olmalıdır. Daha ətraflı məlumat üçün, 055 655 00 66 və 050 363 83 86 nömrələri ilə, mənimlə əlaqə saxlaya bilərsiz. Uğurlar.



vusal
2014-12-16
Salam hekim.mende xayam sol teref sag terefden boyukdu .birde xayanin awagi terefinde boyuk damar gedir,yuxardan awagiya dogru elle baxanda hiss elemek olur ki sol teregde boyuk damarlar gedir bu normaldirmi?
Dr. Orxan Ağabəyov
2014-12-18

Salam Vusal. Bu suala nəzəri olaraq cavab vermək mümkün deyil.  Xaya problemlərini dəqiqləşdirmək üçün, xayaların doppler müayinəsindən keçmək lazımdır. Daha ətraflı məlumat üçün, 055 655 00 66 və 050 363 83 86 nömrələri ilə, mənimlə əlaqə saxlaya bilərsiz. Uğurlar.


Elnara
2014-12-16
Salam hekim. heyat yoldasimin 35 yasi var. texminen iki ildir onun cinsi ordani evvelki kimi iri ve berk deyil. Orqazma da evvelkinden tez catir. Nece etmek olar ki evvelki kimi iri ve berk olsun, orqazma da gec catsin... Bu bizim cinsel yasamimiz ucun vacibdir.
Dr. Orxan Ağabəyov
2014-12-18

Salam Elanara. Bunun üçün yoldaşınızda problemlərin səbəbləri müəyyənləşdirilib, müalicə kursu təyin olunmalıdır. Daha ətraflı məlumat üçün, 055 655 00 66 və 050 363 83 86 nömrələri ilə, mənimlə əlaqə saxlaya bilərsiz. Uğurlar.


Alik193
2014-12-16
Salam necesiniz doktor? Doktor sizə bir sualım var. Kişin sperma keyfiyyətini qaının cinsiyyətinin daxilindən götürüb analiz etmək olurmu? Və ya başqa isulla yoxlamaq olurmu? Əvvəlcədən Təşəkkür edirəm.
Dr. Orxan Ağabəyov
2014-12-18

Salam Alik 193. Spermoqramma, yalnız masturbasiya (əllə boşalmaq) yolu ilə alınır. Daha ətraflı məlumat üçün, 055 655 00 66 və 050 363 83 86 nömrələri ilə, mənimlə əlaqə saxlaya bilərsiz. Uğurlar.



isgender
2014-12-16
salam hekim.53 yasim var.shekerim var.xayalarda toxunarken aqri hiss edirem.cinsi orqan yaxshi qalxmir ve tez boshalir.meslehete ve lazim olsa muliceye ehtiyacim var.saq olun
Dr. Orxan Ağabəyov
2014-12-18

Salam İsgender. Xaya ağrılarının səbəbi, müxtəlif ola bilər - epididimit(xaya artımının iltihabı), varikosele(damar genişlənməsi), orxit(xayaların iltihabı). Dəqiqləşdirmək üçün, xayaların doppler müayinəsindən keçmək, məsləhətdir. Şəkərli diabet xəstəliyi, kişilərdə cinsi zəifliyin ən əsas səbəblərindən biridir, buna görə də şəkər xəstələri, mütləq ereksiyanı gücləndirən müalicə kursları keçməlidir. Daha ətraflı məlumat üçün, 055 655 00 66 və 050 363 83 86 nömrələri ilə, mənimlə əlaqə saxlaya bilərsiz. Uğurlar.


Xanali
2014-12-16
Salam. Ilk once Size tesekkur edirik ki serait yaradibsiz virtual olaraq sual unvanlayaq. Hekim artiq 1 ilden cox muddetdir ki sidiye getdikden sonra qan ve ya bulaniq, sari narinci maye gelir. Hemcinin siyende kanalda sanci olur bezen siddetli bezen az. Usm olundum boyreklerden prostatdan sidik kisesinden lakin qeyri negativ bir sey tapilmadi. Sidikden ve spermadan hemcinin analiz verdim her sey normal oldu. Hekime muraciet etdim infeksiya eleyhine mualice olundum demek olar ki 80% irelileyis hiss etdim. Bele ki artiq sidik kanalinda olan bulaniq sarimtil narinci maye azalib demek olar ki gelmir lakin hansi gun ki cinsi elaqede oluram yalniz hemin gun 1 ya 2 defe qana oxsar maye gorurem deqiqlesdire bilmirem ki bu cirkdi yoxsa qan quruyub qeribe reng alib. Hekim xatirladim ki evveller cox soyuq sularla yuyunmusam oturaq halda islemisem, Hekim prostata infeksiya duse bilermi ve ya prostatda soyuqlama neticesinde yuxarida qeyd etdiyim hallar(qanve ya bulaniq sari )bas vere bilermi?
Dr. Orxan Ağabəyov
2014-12-18

Salam Xanali. Keçirdiyiniz müayinələr ya düzgün aparılmayıb, ya da tam olmayıb. Yəni əgər insanın sidik kanalından qan gəlirsə, hər halda orqanizmdə buna səbəb olan amil var. Və səbəbin aşkarlanmaması, yalnız diaqnostikanın səhv olmasından xəbər verir. səbəb həm cinsi infeksiya həmdə cinsiyyət sistemində iltihabi proses ola bilər. Buna görə də düzgün diaqnostikadan keçib, bu problemlərin dəqiq səbəbini bilib, müalicə kursu keçməyiniz məsləhətdir. Daha ətraflı məlumat üçün, 055 655 00 66 və 050 363 83 86 nömrələri ilə, mənimlə əlaqə saxlaya bilərsiz. Uğurlar.


emin
2014-12-15
salam hekim men 1 il yarim evvel varikaselden opiraciya edildim 6ay sora spermadan analiz verdim faizder normaldi dediler,onnan 6 ay sora uziden kecedende sol xayamin balaca oldugudu,1 damarin geriye axmasini ve balaca duz olmasi awkarlandi spermadan bide analiz verdim hekimime getirdim gosterdim normaldi saglamsan dedi.sizce ne etmeliyem men?
Dr. Orxan Ağabəyov
2014-12-18

Salam Emin. Əgər spermanın göstəriciləri normaldırsa, sadəcə bir müddətdən bir spermoqramma verib, müşahidə aparmaq kifayətdir. Əgər göstəricilər normaldırsa, müalicəyə ehtiyac yoxdur. Daha ətraflı məlumat üçün, 055 655 00 66 və 050 363 83 86 nömrələri ilə, mənimlə əlaqə saxlaya bilərsiz. Uğurlar.


Hafiz
2014-12-15
Salam. hekim menim cinsi orqanimda sepkiler yaranir sonra oz ozune gedir ve bawqa bir terefinde yene yaranir.. sebeb ne ola biler..??? Allah razi olsun
Dr. Orxan Ağabəyov
2014-12-18

Salam Hafiz. Bu əlamət herpes virusunun əlaməti ola bilər, bu cinsi yolla ötürülən infeksiyadır. Dəqiqləşdirib, müalicə kursu keçməyiniz məsləhətdir. Daha ətraflı məlumat üçün, 055 655 00 66 və 050 363 83 86 nömrələri ilə, mənimlə əlaqə saxlaya bilərsiz. Uğurlar.


kamal
2014-12-15
Hekim salam men 1 ilden çoxdurki evliyem uşağım olmur. Hansı xestexanaya getdikse musbet cavab olmadı. sperm sayı 0 dır. Hekim bunun başqa çaresi var? Birdeki sperm donor ekilmesi deye bir mualice var? Teşekkür edirem.
Dr. Orxan Ağabəyov
2014-12-18

Salam Kamal. Əgər xayalarda da spermotozoidlər aşkarlanmırsa, donor sperması istifadə edərək süni mayalandırma proseduru etmək olar. Daha ətraflı məlumat üçün, 055 655 00 66 və 050 363 83 86 nömrələri ilə, mənimlə əlaqə saxlaya bilərsiz. Uğurlar.


efsane
2014-12-15
salam hekim sizden bir xestelik haqda meslehet almag isterdim men 1 ildirki aileliyem ve mende papillomavirus yarandi mende ginekoloqa muraciet etdim yandirilmasi lazim oldugunu soyledi mene mende eledim indi men bilmek isteyirem menim yoldawimda muayine ve mualicelerden kecmelidir?ve kecmese yene mende emele gele bilermi hemin virus?cox xais edirem cavablandirin cox narahatam onceden tewekkur edirem size
Dr. Orxan Ağabəyov
2014-12-18

Salam Efsane. Əgər yoldaşınızda papillomalar yaranarsa, bu halda müalicə kursu keçməlidir, əks halda müalicəyə ehtiyac olmur. Daha ətraflı məlumat üçün, 055 655 00 66 və 050 363 83 86 nömrələri ilə, mənimlə əlaqə saxlaya bilərsiz. Uğurlar.


Tural
2014-12-14
Salam Dr.Orxan bey. Menim size bir nece sualim olacaq cvblandirsaniz ve melumat verseniz wad olaram.Menim 27 yawim var son 1 il evvele kimi bir partnyorla yawamiwam onunla her wey normal olub. Son bir ilde munasibetim olmayib ve bir nece gun evvel cinsi elaqede olmaq isteyerken gozlemediyim bir weyle qarwilawdim hessasliq itib ve berkliyi cox olmur, men konkret bilirem zeiflik var bunuda anonimlik baximindan hec yere getmemiwem muraciet etmemiwem. Menim psixoloji problemim var beleki eger biriyle elaqede olmaq isteyiremse o mutleq xeyalimdaki olmalidi bawqa partnyorla hecne alinmir. Men bilmek isteyirem bu prosedurlarin yeni mualice ve ya hekim komekliyi ne qeder uzana biler umumiyyetle qidanin cox onemi var oxudum amma men zeif qidalaniram. Dr. Orxan bey sizin teqdim etdiyiniz nomreyle birbawa sizinle elaqe qurmaq mumkundu? Birde mumkunse ilkin olaraq mene bir melumat veresiniz
Dr. Orxan Ağabəyov
2014-12-15

Salam Tural. Əgər kişilərdə cinsi hıyatda uzunmüddətli fasilələr yaranırsa, bu cinsiyyət sistemində durğunluq bir də cinsi problemlərə gətirib çıxarır. Yəni, necə ki bir futbolçu hansı ki, hər gün məşq edib, futbol oynayırdı, zədə üçündən 6 ay - 1 il məşq etmir. Aydındır ki, fasilədən sonra bu futbolçu öncə olduğu kimi oynamır. Eyni problemlər cinsi fəaliyyətdə də fasilə yarandıqda olur. Bəli telefon nömrələri şəxsi nömrələrdi - 055 655 00 66 və 050 363 83 86, zəng vura bilərsiz. Uğurlar.


vusal
2014-12-14
Salam hekim. 21 yawim var,subayam. mende tezelikce sidiye getdikden sonra uc hissede goyneme,axsamlar cinsiyyet orqanimda agrilar olur.seher oyandigimda da alt paltarda 1-2 qram sperma axir.Mumkunse sebebini deyerdiz de.evelceden cox sagolun
Dr. Orxan Ağabəyov
2014-12-15

Salam Vusal. Bu ya cinsi yolla keçən infeksiyanın əlaməti və ya cinsiyyət sistemində iltihabi prosesin əlaməti ola bilər. Hər bir halda, cinsi infeksiyaların yoxlanması məsləhətdir. Daha ətraflı məlumat üçün, 055 655 00 66 və 050 363 83 86 nömrələri ilə, mənimlə əlaqə saxlaya bilərsiz. Uğurlar.


roman
2014-12-14
Salam hekim men spermaqramadan analiz vermwem 5defe. 1de 0faiz Obirsi defe 5faiz. Sora yenede verdm 0faiz cixdi cavab.hekime getdm xayalari yoxlatmaq meslehet gordu.uzide oldum iki terefli varikosel cixdi.emelyat olmuwam 1il bundan qabag. Sizce netice duzele biler
Dr. Orxan Ağabəyov
2014-12-15

Salam Roman. Nəticələr düzələ bilər, amma buna ehtimal çox deyil, ona görə də bu situasiyada süni mayalandırma proseduru daha məqsədəuyğundur, amma yenədə vəziyyət tam qiymətləndirilməlidir. Daha ətraflı məlumat üçün, 055 655 00 66 və 050 363 83 86 nömrələri ilə, mənimlə əlaqə saxlaya bilərsiz. Uğurlar.


Andrologiya və Seksopatologiya Azərbaycanda

Birinci toy gecəsi

Hər bir ailənin həyatında elə anlar - saatlar, bəlkə də dəqiqələr var ki, hansılar ki, ailəni monolit və xöşbəxt edə və ya dibindən vurub yıxa bilər. Belə anların birinə birinci toy gecəsi də aiddir. Onore de Balzak bu haqda belə yazırdı: «Nigahın müqəddaratı birinci toy gecəsində həll olunur». Hətta müəyyən faiz hallarda gələcək həyat yoldaşlarının ilk intim yaxınlığı toydan əvvəl baş verdiyi hallarda belə, və əgər təzə evlənənlərini biri və ya hətta ikisi də müəyyən cinsi həyat təcrübəsinə malik olduğu halda belə birinci toy gecəsi heç də gələcəkdə minlərlə olacaq adi ər - arvad gecəsi deyil. O - birincidir.

Azərbaycan - özünün əsrlərdən bəri davam edən adət - ənənələri  ilə yaşayan ölkədir:  elçilik, evlilik, birinci toy gecəsi və s. Təəssüf ki, ölkə əhalisinin böyük hissəsi (informasiya azlığı bəzən isə həm də səhv tərbiyə səbəbindən) ailə həyatı üçün hazır deyil. Mühüm problemlərdən biri - birinci toy gecəsidir. Məhz uğursuz cinsi debüt ən müxtəlif psixoloji və seksoloji problemlərin səbəbidir. Buna görə də ölkədə viroqamiya (bakir nigah) geniş yayılmışdır, bu zaman nigaha daxil olmuş kişi və qadın uzun müddət ərzində cinsi yaxınlıq edə bilmirlər.

Jan Jak Russo deyirdi : «Bakirəlik - qadına anadan olduğu zaman qismətinə düşən ən böyük cehizidir». Azərbaycanda gəlinin bakirəliyi çox vacibdir. Bunun nəticəsində hətta xüsusi insanlar da təyin olunurlar (yengə), həmin şəxs birinci toy gecəsindən sonra hər şey qaydasında olduğunu təsdiq etməlidir. 
Kifayət qədər böyük sayda kişilərdə birinci toy gecəsində  müxtəlif problemlər, qorxular meydana çıxır, bunlar da ereksiyanın itirilməsinə səbəb olur və tutarsızlıq, sürətli sperma axıtma, gələcəkdə isə - müvəffəqiyyətsizliyə uğramaq, “rüsvay olmaq”, öz kişilik mənsubiyyətini təsdiq etməmək qorxusu ilə xarakterizə olunurlar.     

Birinci toy gecəsində uğursuzluqların səbəbləri

Birinci toy gecəsində kişilərdə əmələ gələn problemlərin səbəbləri aşağıdakılardır : 1. İntim şəraitin olmaması. 2. Qarşıda duran “hesabat”, yəni cinsi əlaqənin müvəffəqiyyəti haqqında, gəlinin bəkarəti haqqında düşüncələr (bizim yuxarıda birinci gecənin adət və ənənələri haqqında qeyd etdiyimiz kimi). 3. Öz seksual bacarığı (cinsi orqanın ölçüləri), ereksiyanın sabitliyi, bakirəlik pərdəsini aşmaq qabiliyyəti və gəlini seksual cəhətdən təmin etməyə görə qorxu. 4. Gəlinin müqavimət göstərdiyi, onun gərginliyi zamanı yaranan problemlər, xüsusilə də cəsarətsiz, utancaq, səksəkəli - vasvası kişilərdə. 5. Cinsi yaxınlığın yubadılması zamanı (aybaşı dövrü, gəlinin qorxusu, hansısa gözlənilməyən hallar) yaranan problemlər, xüsusilə də cinsi təcrübənin olmadığı, səksəkəli - vasvası cəhətli xarakteri olan kişilərdə. 6. Çox zaman qızın bəkarətinə ən başdan şübhə ilə baxan kişilərdə bakirəliyin təsdiq olunması, onun yoxlanılması, cinsiyyətinə nəzarət haqqında düşüncələr müşahidə olunur. Bəzən bakirəliyin bərpa olunmasının yoxlanılması, təsdiq olunması məqsədilə əlaqənin qəsdən uzadılması meydana çıxır. 7. Cinsi yolla ötürülən xəstəliklə gəlini yoluxdurma qorxusu (prezervativlərin istifadə olunması, hansı ki, həyəcanı gücləndirir və nəticədə ereksiyanın itməsinə gətirib çıxara bilər). 8. Qan, qanaxma qorxusu. 


Birinci toy gecəsində cinsi əlaqəyə aid məsləhətlər 

Birinci toy gecəsinə əsaslı şəkildə hazırlaşmaq lazımdır. Əhəmiyyəti az olmayan detalları nəzərə almaq lazımdır: birinci intim görüşün keçəcəyi otaqda qapını bağlamaq, onun işıqlandırılmasının qeydinə qalmaq (həddindən artıq gur işıq cavan qadını artıq dərəcədə utandırır, tam qaranlıq isə kişini öz həyat yoldaşının çılpaq bədənin görməkdən məhrum edir), əl altında təmiz salfetlər, dəsmallar hazırlamaq lazımdır.

Bu zaman iki məqama diqqət yetirmək lazımdır. Birincisi, koitus (cinsi akt) zamanı kişi əminliklə hərəkət etməli, müəyyən təzyiq nümayiş etdirməli və yalnız özünün deyil, həm də partnyorunun yerinə qərarlar qəbul etməlidir. Eyni zamanda qadın qorxudan başını itirməməli və partnyoru həddən artıq cəhdlə özündən itələməməlidir, çünki onun “qəhrəmancasına” müdafiəsi, bir qayda olaraq, ağrı hissləri səbəb olur, çünki kişi müəyyən güc tətbiq etmək məcburiyyətində olur.

Özün üçün dəqiq aydınlaşdırmalısan ki, söhbət təsəvvürləri qızışmış təxəyyüldə canlanan  hər hansı bir dözülməz ağrı və dəhşətli qanaxmadan deyil, yüngül, ola bilsin ki, bir qədər xoşagəlməz, ağrı hissindən gedir, hansı ki, biz özümüz vəziyyəti öz düşünülməmiş hərəkətlərimizlə mürəkkəbləşdirməsək - bir neçə saniyə davam edir. Bununla yanaşı yaddan çıxartmaq lazım deyil ki, koitus zamanı düzgün pozanın, vəziyyətin seçilməsi və qızlıq pərdəsinin gərilməsi ağrı anını xeyli azaldır və ağrı hissini minimuma qədər azaldır.

Ağrılı ciinsi əlaqəyə yol verməmək üçün qadın birinci cinsi əlaqədən əvvəl yanının altına mütəkkə şəklində bükülmüş balış və ya divan mütəkkəsini elə qoymalıdır ki, çanaq bir qədər yüksəkdə olsun. Yana aralanmış və dizlərdə bükülmüş ayaqlarını qadın mümkün ola bildiyi qədər döş qəfəsinə yaxın sıxmalıdır, çünki bu cür vəziyyətdə uşaqlıq yoluna girişin yuxarı hissəsi qasıq və klitora yaxın yerləşir. Geniş şəkildə aralanmış ayaqlar döş qəfəsində sıxıldığı zaman bakirəlik pərdəsi uşaqlıq yoluna girişdə maksimal sürətdə gərilmiş olmur, bu da onun yarılmasını asanlaşdırır. Düzgün pozanın seçimi ilə yanaşı aralığın əzələlərinə də diqqət yetirmək lazımdır. Qadın onları boş saxlamağı bacarmalıdır ki, cinsi orqanın uşaqlıq yoluna (vaginaya) sərbəst keçməsi asanlaşsın. Bundan başqa, bilavasitə cinsi əlaqədən əvvəl uşaqlıq yolunun giriş sahəsini xüsusi vaginal sürtgü ilə bir qədər yağlamaq məqsədəuyğundur. Beləliklə, ilk toy gecəsində çətin bir şey yoxdur, özünüzə əmin olun və hər şey super olacaq !


 

Cinsi yolla keçən xəstəliklər

Kişilər üçün 10 «qızıl» qayda

Cinsi infeksiyalar çox geniş yayılmışdır. Ekspertlərin hesablamalarına görə, yer kürəsində hər altı sakindən biri, nə vaxtsa cinsi yolla ötürülən hansısa bir xəstəliklə yoluxub. Azərbaycanda son illər cinsi yolla keçən xəstəliklərin sayı durmadan artır. Buna bir neçə faktor səbəb olur - cinsi partnyorların tez - tez dəyişilməsi, prezervativ istifadə etmədən cinsi əlaqələr, fahişəlik.

Çox təəssüf ki, Azərbaycanda cinsi həyatın başlandığı andan müntəzəm şəkildə ginekoloqa gedən qadınlardan fərqli olaraq kişilər yalnız cinsiyyət sisteminin xəstəliklərinin hər hansı bir simptomu meydana çıxdığı zaman həkimə müraciət edirlər. Nəzərə alsaq ki, cinsi infeksiyalar simptom olmadan da keçə bilər, xroniki xəstəliklərlə qarşılaşmalı oluruq, onlar da öz növbəsində sonsuzluğacinsi zəifliyə gətirib çıxarır. Bu çətinliklərə baxmayaraq, öz orqanizmini cinsi yolla keçən infeksiyalardan qorunmağa imkan verən effektiv üsullar mövcuddur :


1. Yüksək yoluxma riski olan insanlarla (fahişələr, narkomanlar) cinsi əlaqələrdən çəkinin.

2. Cinsi əlaqədən əvvəl əmin olun ki, sizin partnyorunuzda zöhrəvi xəstəliklərin zahiri əlamətləri yoxdur ( cinsiyyət orqanlarında səpgi, şübhəli ifrazat və s.). Lakin xəstəlik simptomlarının olmaması partnyorun sağlam olmasına dəlalət etmir, çünki bir çox cinsi infeksiyalar simptom olmadan da keçə bilir.

3. Cinsi yolla keçən bütün infeksiyalar həmçinin oral və anal cinsi əlaqə zamanı da ötürülürlər. Oral cinsi əlaqə zamanı yoluxma riski vaginal və ya anal cinsi əlaqədə olduğundan daha aşağıdır, lakin bu halda riski tam olaraq istisna etmək olmaz.

4. Prezervativdən istifadə edin, onu bilavasitə cinsi aktdan əvvəl taxmaq lazımdır. Buna baxmayaraq, cinsi yolla ötürülən xəstəliklərdən 100 % müdafiə mövcud deyil. Ondan istifadə edərkən, siz yoluxma imkanını azaldırsınız, onu tam olaraq istisna etmirsiniz.

5. Dərhal cinsi əlaqədən sonra : antibakterial sabun və ya antiseptik məhlul ilə (miramistin, xlorqeksidin) bütün qasıq nahiyyəsini yuyun (fikir verin - bütün nahiyəni, tək cinsiyyət orqanını deyil). Prezervativdən istifadə etdiyiniz halda belə əlaqədən sonra mütləq sidiyə gedin - bu cinsi infeksiyalar ilə yoluxma riskini azaldacaqdır.

6. "Özünü diaqnostika və özünü müalicə" ilə məşğul olmayın. Yadda saxlayın - dəqiq diaqnozu yalnız mütəxəssis təyin edə bilər. Hər bir insanın öz immuniteti, öz xüsusiyyətləri var, buna görə də cinsi yolla keçən infeksiyaların müalicəsi üçün vahid sxem və preparat da yoxdur.

7. Çox zaman cinsi infeksiyalar(mikroblar) ilə yoluxmadan sonra ümumiyyətlə heç bir şikayət olmur və ya onlar zəif ifadə olunurlar. Buna görə də hər təsadüfi əlaqədən sonra cinsi infeksiyaların olub - olmamasına müayinə olunmaq vacibdir. Bununla siz öz daimi cinsi partnyorlarınızı ciddi problemlərdən qoruyursunuz və dogmalarınızın sağlamlığının qeydinə qalırsınız.

8. Ciddi şəkildə cinsi partnyor ilə birgə müalicə almaq lazımdır ki, ondan təkrar yoluxma olmasın (hətta partnyorunuzu heç nə narahat etməsə belə).

9. Heç bir halda özgənin paltarlarından, eləcə də özgənin dəsmallarından, hamam lifindən və digər şəxsi gigiyena vasitələrindən istifadə etməyin.

10. İctimai tualetdən necə istifadə etmənizə diqqət yetirin - sizin böyük əksəriyyətiniz qapını açır, tualetə girir və dərhal da kabinaya və ya pissuara gedir. Əlavə olaraq, sidiyə gedən zamanı siz cinsi orqanınızı bundan əvvəl qapını açdığınız əlinizlə tutursunuz. Sizdən qabaq bu qapını minlərlə insan açmışdır. Necə fikirləşirsiniz, bu minlərdən bir neçə insanın zöhrəvi xəstəliklərdən əziyyət çəkmə ehtimalı nə qədərdir və infeksiyanın ötürülmə ehtimalı nə qədərdir ? Kişinin infeksiyadan qaçınmaq üçün riayət etməli olduğu iki qayda var :

• Cinsiyyət orqanınızı tutacağınız əlinizlə tualetin qapısını açmayın. Bunu tualetdə hətta əl - üz yuyan olduqda belə yerinə yetirmək lazımdır, axı ola bilər ki, o, sınmışdır.

• Əgər əl - üz yuyan varsa, ondan əllərinizi yalnız sidiyə gedəndən sonra deyil, həm də əvvəl yuyun.

Asan qaydalara riayət edərək, cinsi infeksiyalar ilə yoluxma riskini azaltmaq və özünüzü və öz yaxınlarınızı ciddi problemlərdən qoruya bilərsiniz. Yadda saxlayın ki, cinsi infeksiyalar sonsuzluğa və cinsi zəiflik probleminə gətirib çıxara bilər.

Cinsi yolla keçən xəstəliklərin müalicəsi

Həkimə müraciət etməni uzatmayın. Bu çox sadədir : həkimə getmək, analizlərin yerinə yetirilməsi və nəticə - şəxsi sağlamlığın uzun illər boyunca saxlanılması ! Öz sağlamlığınıza daha ağıllı münasibət bəsləyin, onun qeydinə qalın və hər şey super olacaq !

 

Cinsi zəifliyin təbii müalicəsi

Kişi cinsi gücünün artırılması üçün xüsusi gimnastikaya əsaslanan sadə və olduqca effektli metodikadan istifadə edin. Hər səhər və axşam, bir neçə dəqiqə ərzində cəmi altı xüsusi hərəkətdən ibarət  xüsusi gimnastika sayəsində,  Siz bir neçə gün sonra potensiyanın yaxşılaşmasını görəcəksiniz, eləcə də  fəal cinsi həyatınızı təmin edə biləcəksiniz. Potensiyanın artırılması üçün olan hərəkətlər həm zəif, həm də normal potensiyası olan kişlərə üçün faydalı olacaqdırlar.

Cinsi gücün artırılması üçün olan hərəkətlər necə təsir edir?

Hərəkətləri yerinə yetirən zaman qasıq-büzdüm əzələləri məşq etdirilir ki, onlar cinsi orqanın ereksiya zamanı qalxmasına görə cavabdehlik daşıyırlar. Qasıq-büzdüm əzələsi nə qədər yaxşı  məşq etdirilərsə, ereksiya da bir o qədər güclü və uzunmüddətli olacaqdır. Bu onunla izah edilir ki, cinsiyyət orqanı nahiyəsinə qan dövranı güclənir və cinsiyyət orqanı daha çox qanla dolur.


Hərəkət 1. «Parad addımı»

Siz düz durursunuz, əllər aşağı salınıb – Şək.1. və maksimal şəkildə dizləri yuxarı qaldırmaqla addımlamağa başlayırsınız və elə bil ki, onları qarnınıza doğru sıxırsınız – Şək. 2.






Hərəkət 2. «Daşı saxlamaq»

Siz düz dayanırsınız, əllər beldə, hərəkət 1-də olduğu kimi. Dizlər azacıq qatlanmış vəziyyətdədir (!). İndi isə dizləri daha güclü qatlayın və güclü gərginləşdirin və yumurtalıqların əzələlərini bir neçə dəfə boşaldın, elə bil ki, onların arasında sıxılmış daşı saxlayırsınız – Şək 3.

Dizlərinizi sona qədər aşmadan düzəlin.







Hərəkət 3. «Skippinq»

Siz düz dayanırsınız, dizlər azacıq qatlanmış vəziyyətdədir. Elə bil ki, yerində qaçışa başlayırsınız, lakin pəncələriniz döşəmədən ayrılmır, ancaq növbə ilə dabanlar yerdən ayrılır – tez-tez yerində durmaqla ayaqdan ayağa keçirsiniz və maksimal dərəcədə cəld dizləri növbə ilə irəli çıxarırsınız. Ancaq dizlər hərəkət edir – irəli-geri! Şəkil 4-5. Hərəkəti maksimal cəldliklə və başlanğıcda bir dəqiqəqədn artıq olmamaqla yerinə yetirmək lazımdır.















Hərəkət 4. «Körpü»

Siz kürəyi üzərində uzanırsınız. Şək. 6-da göstərildiyi kimi: Dizlər yarım qatlanmış vəziyyətdə və pəncə döşəməyə dayaqlanmışdır. Əllər bədən boyu. Kürəyiniz bərabər ölçüdə döşəməyə dəyir. İndi çanağınızı Şək. 7-də göstərildiyi kimi qaldırın.


Hərəkət 5. «Cinsi güc əzələləri»

Demək olar ki, bu başlıca hərəkətdir. Siz 4-cü hərəkətdə olduğu kimi kürəyi üstə uzanırsınız. Ayaqlar azacıq aralıdır və bilvasitə “cinsi güc əzələsini” gərginləşdirməyə və boşaltmağa başlayırsınız. Onlar anus dəliyi ilə xayalar arasında, daxildə yerləşirlər. Şək. 8.

Onları çalışdırmaq üçün cəhd etmək lazımdır ki, gərginləşən zaman anus dəliyi ilə xayalar yaxınlaşmış olsunlar. Oxşar gərginlik siz sidiyə getməni sıxıb saxladığınız zaman da yaranır – özüü də bu zaman yan əzələləri boşalmış vəziyyətdə qalırlar.

Bu hərəkətin yerinə yetirilməsində məqsəd hərəkətlərin sayı deyil, Sizin “cinsi güc əzələlərinin” gərginliyini yarada bilmə gücünüzün artırılmasıdır.


Hərəkət 6. «Tozsoran»

“Cinsi güc əzələlərinin” inkişafı üşün daha bir hərəkət: Siz  azacıq irəli doğru əyilməklə stulda oturmusunuz, lakin çiyinlər düz saxlanılır. Şək. 9.

Təsəvvür edin ki, misal üçün, stulun oturacağına dənələr səpələnib və Siz,  öz düşüncənizdə, xayalar və anus dəliyi arasındakı zona ilə, əzələlərinizlə, lap tozsoranda olduğu kimi onları daxilinizə sovurmaq istəyirsiniz. Sərbəst olun və hərəkəti bir neçə dəfə təkrar edin. Əgər Siz hərəkəti düzgün yerinə yetirirsinizsə, onda yan əzələləri bu zaman praktiki olaraq sərbəst vəziyyətdə qalmalıdırlar.


















































































Kişilərdə nə zaman cinsi gücün zəifləməsi haqqında danışmaq olar və bu gimnastikanın tətbiq edilməsi faydalıdır?

  • “səbəbsiz” şəkildə seksə marağın azalması, “başlamaq tənbəlliyi”, “tonusun olmaması”
  • gecə və səhərlər ereksiyanın(sərtliyin) mövcud olmaması
  • ereksiya zamanı cinsi orqanın kifayət qədər bərk olmaması
  • cinsi əlaqə zamanı ereksiyanın zəifləməsi və cinsi əlaqəni sona çatdıra bilməmək

Bu problemlərin səbəbi nədir?

Əsas səbəblərdən biri - cinsi orqanın mağaralı cisimlərinin kifayət qədər qanla dolmamasıdır ki, bu da cinsi orqanın ereksiya zamanı kifayət qədər bərk olmasına mane olur.

Yuxarıda göstərilən hərəkətlər necə kömək edirlər?

Hərəkətlərin yerinə yetirilməsindən sonra “cinsi güc əzələlərinin” fəaliyyətinin güclənməsi sayəsində cinsiyyət orqanı nahiyəsində qan dövranı və onun qanla dolması yaxşılaşır ki, nəticədə  ereksiya da yaxşılaşır.

Ümumi tövsiyyələr: yükləmələri olduqca tədricən artırmaq, hərəkətlərin sayını hissiyatınıza uyğun olaraq etməklə, hər bir hərəkətin 10 dəfədən artıq olmamaqla yerinə yetirilməsindən başlayın – və effekti bir neçə gündən sonra hiss edəcəksiniz . Uğurlar!


   

Masturbasiya

Masturbasiya (onanizm, əllə boşalmaq) - öz cinci orqanlarının stimullaşdırılması yolu ilə, seksual təmin olunmanın əldə edilməsidir. Müasir baxışlara görə, masturbasiya - cinsi fəaliyyətin qoruyucu klapanı kimi hesab olunur - müxtəlif yaşlardan olan insanlar cinsi həvəs olduqda, lakin onun təmin edilmə imkanları olmadıqda, masturbasiydadan istifadə edir.

Masturbasiyanın səbəbləri

Masturbasiyanın(əllə boşalma) əsas səbəbi cinsi yetkinliyə çatma dövrü ilə nigaha daxil olmaq hazırlığı və imkanları arasında mövcud olan uyğunsuzluqdur. İbtidai icma quruluşu dövründə belə problemlər mövcud olmayıb, o dövrdə cinsi və fiziki yetkinliyin baş verməsi (16-17 yaş) ailə qurmaq və müvafiq olaraq cinsi əlaqəyə girmək imkanları ilə eyni vaxta təsadüf edirdi. Belə erkən nigahlar zamanı masturbasiyaya ehtiyac qalmırdı. Müasir inkişaf etmiş cəmiyyətdə ailə qurmaq müddətləri əhəmiyyətli dərəcədə artmışdır – hazırda Azərbaycanda kişilər nigaha, adətən, 27-30 yaşından tez daxil olmurlar. Belə olan halda seksual boşalma ilə onun reallaşdırılması arasında uyğunsuzluq yaranır – yəni evliliyə qədər olan zaman ərzində, cinsi həyat ya olmur və ya qeyri –müntəzəm olur. Bundan əlavə, həmçinin stress, cinsi partnyora marağın azalması, seksdən həzz ala bilmək qabiliyyətinin olmaması, başqa qadına sahib olmaq istəyi, lakin eyni zamanda da fiziki xəyanət istəyinin olmaması (mümkünsüzlüyü) masturbasiyanın səbəblərindəndirlər.

Masturbasiyanın nəticələri

Əgər masturbasiya intensiv (gündə bir neçə dəfə), maniakal xarakter daşıyırsa və uzun müddət davam edirsə, bu halda müxtəlif psixi pozuntular mümkündür və həkim məsləhəti tələb edilir. Bundan əlavə, uzun müddət masturbasiya ilə məşğul olduqda, kişi masturbasiya ilə təbii cinsi əlaqədə olduğundan daha güclü həzz alır, və bu da ailə həyatına disqarmoniya gətirir. Belə kişidə cinsi problemlər ola bilər, belə ki, adi seks onun üçün masturbasiya zamanı yer alan rəngarəng fantazliyalar və orqazmın intensivliyi ilə olduqca maraqsız görünəcəkdir. Beləliklə, masturbasiya həm vərdiş, həm də zəhlə tökən tələbata çevrilir. Nəticədə autoerotizm – qadına olan libidonun sönməsi ilə seksual həvəsin özünə doğru yönlənməsi – inkişaf edir. Həmin vəziyyətin əlamətlərindən biri odur ki, masturbasiya zamanı kişi tez və problemsiz boşalır, qadınla olan cinsi əlaqə isə uzadılmış, eyakulyasiya isə çətinləşmiş olur.

Masturbasiyanın yayılmaqlığı

Klassik məlumatlara əsasən kişilərin 93% və qadınların 62% nə vaxtsa masturbasiya etmişdir. Onanizm başlıca olaraq cinsi yetkinliyə yetişmə yaşında geniş yayılmış olur və normal cinsi həyata başladıqda, adətən yekunlaşır. Bəzilərində onanizm nigah dövründə, normal cinsi həyat zamanı da davam edir və ya həyatın ayrı-ayrı mərhələlərində bərpa olunur.

Masturbasiyaya münasibət

Cəmiyyətdə masturbasiyaya qarşı münasibət həmişə birmənalı olmayıb və belə də qalmaqdadır. Dinin etiqadlara əsasən masturbasiya günah sayılır. Dini qadağalardan əlavə geniş yayılmış, lakin əsasında heç bir faktiki əsası olmayan, masturbasiyanın orqanizmdə dərin patoloji dəyişikliklərə səbəb olması barədə səhf fikirlər də mövcuddur. Lakin başa düşmək lazımdır ki, masturbasiya heç bir psixoloji və ya fiziki pozuntulara, sonsuzluğa, impotensiyaya, qapalılığa, korluğa, ağıl qabiliyyətlərinin azalmasına, cinsiyyət orqanlarının kiçilməsi və ya inkişafdan qalmasına və s. gətirib çıxarmır. Lakin eyni zamanda masturbasiya cinsi orqanın ölçülərini də böyütmür və tamlıqla cinsi aktı əvəz edə bilməz, belə ki, seksual həyat – bu heç də sadəcə hərəkətlər deyil, həm də qarşılıqlı münasibətlər, romantika, emosiyalardır.

Masturbasiyanın profilaktikası

Masturbaiya mədəniyyətlərin hər birində vardır və tarixin bütün mərhələlərində mövcud olmuşdur. Lakin bu artıq zəhlə tökən ideyaya çevrilməklə sizin normal həyat yaşamanıza mane olursa, deməli onun qarşısını almaq lazımdır. Bax beləcə, bütün iradənizi yumruğa toplamaq və özünüzün bütün ehtiraslarınızı nəzarətə götürmək lazımdır.

Masturbasiya istəyinin yaranmasına səbəb olan hər şeydən yaxa qurtarın. Ümumqəbul edilən həvəs oyatmalar:

• Pornoqrafiya: əgər sizin artıq belə kolleksiyanız varsa, siz isə ciddi şəkildə masturbasiyadan imtina etmək qərarı qəbul etmisinizsə, siz o kolleksiyanı məhv etməlisiniz. Jurnalları yandırın, diskləri təmizləyin və pornosaytlara daxil olmayın.

• Günün müəyyən saatlarında: əgər sizdə yatmamışdan qabaq və ya duşda olan zaman masturbasiya həvəsi yaranırsa, bundan özünüzü saxlayın. Misal üçün, əgər siz bunsuz yata bilmirsinizsə, jim etməyə başlayın və o vaxta qədər davam edin ki, artıq yuxudan başqa heç nə ağlınıza girməmiş olsun. Əgər bu istək siz duşda olan zaman yaranırsa, dərhal suyu buz kimi edin və siz yaranmış istək haqqında dərhal unudacaqsınız.

• Darıxmaq: əgər sizin fikirləriniz darıxmaq səbəbindən daimə seksual əyləncələr istiqamətinə doğru yönəlirsə, özünüzə məşğuliyyət tapın. Siz həddən artıq məşğul olsanız və ya yorğun olsanız, masturbasiyadan uzaq qaçmaq bir o qədər asan olacaqdır.

• Tənhalıq: siz masturbasiya ilə özünüzü tənha hiss etdiyinizdən məşğul olursunuzsa, tənhalınığızı məhdudlaşdırın. Əgər bütün boş vaxtlarınızı dostlarınızla keçirsəniz, masturbasiya üçün vaxtınız da qalmayacaq.

Öz enerji və vaxtınızı sərf etmək üçün digər istifadə sahəsi tapın. Öz həyatınızı fəaliyyətlə doldurun. Tapdığınız yeni bir məşğuliyyət sizi masturbasiyadan uzaq tuta bilər. Aşağıdakıları sınaqdan çıxarın:

• Musiqi alətlərində ifanı öyrənin, foto, dizayn və məhsuldarlıq hissi yaradacaq fəaliyyətlə məşğul olun.

• İdmanla məşğul olun. Trenajor zalına yazılın və ya üzgücülüklə məşğul olun.

• Özünüzə yeni hobbi tapın və ya öz bacarılarınızı inkişaf etdirin. Nəyəsə öyrənmə sizin düşüncələrinizi məşğul edəcək və diqqətinizi masturbasiyadan yayındıracaqdır.

Bəzi hallarda yardım üçün müraciət etmək də zəruridir. Əgər siz hər şeyi sınaqdan çıxarmısınız və özünüzün asılılığınızı nəzarətə götürə bilməmisinizsə, həkimin qəbuluna yazılın və düzgün seçilmiş strategiya nəticəsində siz bütün problemlərdən qurturulacaq və tam mənalı bir cinsi həyata başlayacaqsınız. Və inanın ki, hər şey super olacaq!

 

Cinsi orqanın ölçüləri

Bütün zamanlarda cinsiyyət orqanının ölçüləri probleminə xüsusi diqqət yetirilmişdir. Böyük cinsi orqan kişinin gücünün və hakimiyyətinin əksi, onün üstünlüyünün simvolu sayılırdı. Əsas olan ölçü deyil, bacarıqdır məşhur deyiminə baxmayaraq, kişilərin böyük əksəriyyəti (statistikaya əsasən öz cinsiyyət orqanının ölçüləri ilə qane olmayan kişlərin sayı 25-30% təşkil edir) bu və ya digər şəkildə öz cinsiyyət orqanlarının uzunluğunu, onun əvvəlki ölçüləri ilə müqayisədə heç olmasa 1-2 sm uzatmağı arzulayırlar. Özü də bu zaman penisin kifayət qədər uzun olmaması kişidə qadınla ünsiyyət zamanı bağlılıq, marağın itməsi, eləcə də özünə əmin olmama və kompleksin yaranmasına səbəb olur. Beləliklə, cinsi orqanın ölçüləri kişi üçün özünün şəxsiyyət kimi sübut etməyin həlledici amillərindən biri, eləcə də həyatın keyfiyyətinə bilavasitə təsir edən göstəriciyə çevrilir.

Ardını oxu...

   

Səhifə 1 > 2-dəan

Dr. Orxan Ağabəyov

Salam ! Mən Sizi salamlağa şadam. Bu sayt, o kişilər üçün nəzərdə tutulmuşdur ki, onlar üçün cinsi həyat böyük əhəmiyyət kəsb edir və kişi cinsiyyət sistemi haqqında məlumatlı olmaq çox vacibdir. Cinsi sağlamlıq - müasir kişinin həyatının ən vacib tərkib hissələrindən biridir - bu ümumilikdə həyatda müvəffəqiyyətin bazasıdır, əsasıdır - axı qadınlarla uğuru olan, “kişi sağlamlığı” ilə heç bir problemi olmayan kişi, əminlik və ona hər bir işdə - gündəlik problemlərin həllindən başlayaraq biznesdə uğurun əldə olunmasına qədər - kömək edən gücü qazanır. Buna görə də kişi sağlamlığı sahəsində problemlər zamanı mütəxəssisə vaxtında müraciət etmək vacibdir. Mən, həkim - androloq olaraq, mənə müraciət edən hər bir insana kömək etməyə, ixtisaslaşdırılmış tibbi yardım göstərməyə, etibarlı və uzun müddətli münasibətlər qurmağa çalışıram. Öz sağlamlığınızı mənə etibar edərkən, Siz dəqiq diaqnostika və keyfiyyətli müalicəyə əmin ola bilərsiniz. Hər şey super olacaq !

Hörmətlə Dr. Orxan Ağabəyov



Copyright © 2012 www.agabekov.az