304
9 İyul 2018
Kişi sonsuzluğunun təbii müalicəsi
Kişi sonsuzluğunun təbii müalicəsi

Son onilliklər ərzində kişilərdə spermanın keyfiyyəti ilə bağlı problemlər yaranır. Buna pis ekologiya, qeyri-düzgün həyat tərzi, zəif qidalanma, stresslər və müxtəlif xəstəliklər təsir edir. Adətən kişilər spermanın keyfiyyətinin yaxşılaşdırıması yolları haqqında sağlam uşaq dünyaya gətirmək istədikləri və mayalanma ilə bağlı problemlər yaşadıqları zaman düşünməyə başlayırlar.

Spermanın keyfiyyətinin yaxşılaşdırılmasına 3 ay tələb olunacaq – bu müddət ərzində spermatozoidlərin tam yetişməsi baş verir. Lakin kişilər üçün yaxşı xəbər ondadır ki, spermanın keyfiyyətinə müsbət tərəfdən təsir etmək mümkündür.

Spemotozoidlərin keyfiyyət göstəriciləri

Spermanın normal olub-olmamasını öyrənmək üçün spermoqramma analizi verilir. Ətraflı olaraq bu haqda, spermoqramma məqaləsindən oxuya bilərsiz.

Miqdar. Spermatozoidlərin miqdarının normal göstəricisi 1 ml spermada 15 mln. və yə daha çox spermatozoid təşkil edir.

Keyfiyyət. Spermatozoidlərin keyfiyyətinin normal göstəricisi patologiyalı spermatozoidlərin onların ümumi miqdarının 85%-dən çox olmamasıdır, yəni sağlam (oval başlı və uzun quyruqlu) spermatozoidlərin miqdarı spermatozoidlərin ümumi sayının mininmum 15%-nə bərabər olmalıdır.

Hərəkətlilik. Sağlam spermada spermatozoidlərin minimum 32% aktiv hərəkətli olmalıdırlar. Hətta tam sağlam spermada belə hərəkətsiz spermatozoidlər olur və bu normal haldır.

Spermanın keyfiyyətinə mənfi təsir edən amillər

Zərərli vərdişlər

Alkoqol, siqaret çəkmə, narkotik maddələrin qəbulu spermatozoidlərin konsentrasiyasını azaldır. Uzunmüddətli qəbul sonsuzluğa gətirib çıxara bilər. Buna görə də, zərərli vərdişlərdən heç olmasa müəyyən müddətə (mayalanmadan 3-4 ay əvvəl) imtina etmək lazımdır. Tək zərərli vərdişlərdən imtina spermatogenezin normallaşmasında həlledici amilə çevrilə bilər.

Depressiyalar və stresslər

Təbiət hər şeyi elə düzüb-qoşub ki, köməksiz körpənin sağ qalmaq şanslarını artırmaq üçün doğuş maksimum rahat mühitdə və şəraitdə keçməlidir. Stresslər isə orqanizmə əlverişsiz şəraitdən xəbər verirlər. Nəticədə, nəsilartıma (reproduktiv) funksiyası yatırılır. Kişilərdə stress cinsi hormonları və eyakulyatda spermatozoidlərin miqdarını azaldan sübut edilmiş amildir.

Artıq çəki

Artıq bədən kütləsi testosteronun estrogenə(qadın hormonu) yüksək konversiyası ilə müşayiət olunur, bu isə ilk növbədə cinsi funksiyanı yatırır (baxın: testosteron haqqında). Kişinin bel dairəsinin 94 sm-dən artıq olması patoloji hal hesab edilir.

Xayaların həddən artıq qızması

Artıq çoxdan məlumdur ki, xayaların temperaturu bədən temperaturundan az olmalıdır, məhz buna görə onlar bədənin xaricində yerləşir. Xayaları bədənə sıxan dar, sıx kişi alt paltarı artıq isinməyə səbəb olaraq spermatozoidlərin və testosteronun hasilatına mane olur. Sonsuz kişilər hamamı, saunanı, isti vannaları tez-tez ziyarət etməkdən çəkinməlidirlər. Uzun müddət ərzində oturaq vəziyyətdə olma da həddindən artıq isinməyə gətirib çıxarır, bundan başqa, daimi oturaq iş zamanı kiçik çanaqda qan dövranı pozulur, bu isə potensiyanın zəifləməsinə gətirib çıxarır.

Mobil telefonların və noutbukların şuallanması

Bir çox kişilər mobil telefonları şalvarın ön cibində gəzdirirlər və onların heç xəbərləri yoxdur ki, telefon spermanın keyfiyyətinə təsir edən elektromaqnit dalğalar yayır. Telefonu, imkan daxilində, xayalardan uzaq saxlayın.

Kişilərin daha bir yayılmış səhvi - noutbukda onu dizlərinin üstünə qoyaraq işləməkdir. Bu zaman xayaların həddindən artıq isinməsi baş verir. Noutbukda masanın arxasında oturaraq işləyin, o zaman o spermanın keyfiyyətinə zərərli təsir göstərməyəcək.

Ekologiya və əmək şəraiti

İri meqapolislərin çirklənmiş havası spermatozoidlərin hərəkət sürətini azaldır. Benzin, boya, lak və s. kimi toksik maddələrin buxarı ilə daima nəfəs alma da spermanın keyfiyyətinə mənfi təsir göstərir. Sənaye və kimyəvi preparatlarla işləmə müvəqqəti sonsuzluğa səbəb ola bilər.

Cinsi yolla keçən xəstəliklər

Spermatozoidlərə qarşı immun reaksiya yaranır, yəni orqanizm tərəfindən infeksiyadan müdafiə olunmaq üçün hasil olunmuş anticisimlər orqanizmin öz spermatozoidlərinə hücum edirlər. Xəstəliyin diaqnostikası üçün analizlərin verilməsi və androloqun konsultasiyası lazım olacaq.

Spermanın keyfiyyətini necə yaxşılaşdırmaq olar?

Spermanın keyfiyyətini yaxşılaşdırmaq üçün qidalanma.

Qidalanma sağlam spermatozoidlərin formalaşmasında əsas rollardan birini oynayır. Qısaca desək, tam olaraq insanın fəaliyyəti nəticəsində yaradılmış sintetik məhsullardan imtina və təbiətin özü tərəfindən yaradılmış məhsulların (meyvə, tərəvəz, göy-göyərti, dənli bitkilər) qəbulunun artırılması spermatogenez funksiyasına müsbət təsir göstərəcək.

Rasiona aşağıdakıları daxil edirik:

Vitaminlər

Vitamin Е kişinin fertilliyinə və cinsi funksiyaya görə cavabdeh olan ən vacib vitaminlərdən biridir. Vitamin E-nin sutkalıq dozasını almaq çox asandır: 50-100 q qoz-badam-fındıq.

Vitamin C bizim orqanizmimiz üçün çox güclü bir antioksidantdır. Sutkalıq ehtiyacı aşağıdakılar təmin edir: 20 q itburnu, 50 q qırmızı bibər, 100 q cəfəri və ya şüyüd, 120 q kivi, 200-300 q sitrus meyvələri.

L-karnitin (vitamin B11) və arginin. Kişilərdə fertilliyin artırılması üçün potensial faydaya malikdirlər. Heyvan mənşəli məhsulların, qoz-badam-fındığın, qabaq tumlarının tərkibində var. 

Minerallar

Spermatogenezdə və cinsi hormonların hasilatında birinci dərəcəli əhəmiyyətə sink və selen malikdir. Bu mikroelementləri əsasən dəniz məhsullarında, qoz-badam-fındıqda tapmaq olar.

«Super» qarışığı — spermanın keyfiyyətinin yaxşılaşdırılması üçün tövsiyə olunur.

Bunun üçün aşağıdakılar tələb olunacaq:

100 qr. aloe,

200 qr. əncir,

200 qr. xurma,

200 qr. bal,

200 qr. qoz,

200 qr. limon (qabıqlı),

200 qr. kişmiş,

200 qr. kuraqa (ərik qurusu).

Qarışığı hazırlamaq (ət maşınından keçirmək və ya xırda doğramaq), şüşə bankaya qoymaq və soyuducuda saxlamaq. Spermatogenezi stimullaşdırmaq üçün gündə 3 dəfə 1 çay qaşığı miqdarında qəbul etmək.

Yekun

Bütün bu tövsiyyələrlə istədiyiniz nəticə olmadıqda, androloqa müraciət edib, müalicə kursu keçməyiniz məsləhət görülür. Uğurlar!

DR. ORXAN AĞABƏYOV
DR. ORXAN AĞABƏYOV
Andrologiya
Azərbaycanda