Andrologiya və Seksopatologiya Azərbaycanda

055 655-00-66 050 363-83-86

















Süzənək

Tripper (Qonoreya,Süzənək)

Qonoreya (tripper, süzənək) - cinsi yolla ötürülən  ən geniş yayılmış infeksiyalardan biridir, qonokokklar tərəfindən törədilir, və sidik kanalını ( uretranı ), uşaqlıq yolunu, uşaqlıq boynunu, düz bağırsağı, ağız - udlağı, eləcə də gözün qişasını zədələyə bilər.

Qonoreya(tripper) ilə yoluxma

Əksər hallarda qonoreya(tripper) ilə yoluxma vaginal (uşaqlıqyolu) və anal(düz bağırsağ) cinsi əlaqə zamanı baş verir. Oral seks zamanı da  yoluxma mümkündür. Məişət yoluxması az ehtimal olunandır.

Qonoreyanın(tripper)  inkubasiya dövrü 
Kişilərdə qonoreyanın(tripper) inkubasiya dövrü adətən 2 gündən 5 günədək , qadınlarda isə - 5 gündən 10 günədək davam edir.



Qonoreyanın(tripper) əlamətləri

Kişilərdə qonoreyanın(tripper) əlamətləri :
- sidik kanalından sarımtıl - ağ ifrazat ;
- sidik ifrazı zamanı ağrı ;
Qadınlarda qonoreyanın(tripper) əlamətləri :
- uşaqlıq yolundan sarımtıl - ağ ifrazat ;
- sidik ifrazı zamanı ağrı ;
- menstruasiya arası qanaxmalar ;
- qarının aşağı hissəsində ağrılar.
Qadınlarda qonoreya(tripper) çox zaman əlamətsiz keçir. Əgər hətta əlamətlər yaransa belə, onları hər zaman düzgün qiymətləndirmirlər. Məsələn, uşaqlıq yolundan sarımtıl - ağ ifrazatı qadınlar adətən kandidoz (göbələk infeksiyası), sidik ifrazı zamanı ağrını - sistit ilə əlaqələndirirlər .

Qonoreyanın(tripper) diaqnostikası

Süzənəyin diaqnostikasında ümumi yaxmadan istifadə edirlər. Ümumi yaxmanın nəticələrini isə daha dəqiq müayinə metodu olan - PZR ilə təsdiq edirlər.

Tripperin(qonoreya,süzənək) müalicəsi 

Qonoreyanın(tripper) müalicəsində antibiotiklər təyin olunur. Müalicənin vaxtından əvvəl dayandırılması yolverilməzdir, tam müalicə kursunu keçmək lazımdır, çünki hətta ilk yaxşılaşmalarda və süzənəyin zahiri əlamətlərinin yox olmasında belə törədici (qonokokk) orqanizmdə qalır və xəstəlik xroniki formaya keçir. Müalicə kursundan sonra təkrar müayinə olunmaq tövsiyyə olunur. Partnyorların hər ikisi eyni zamanda müalicə olunmalıdır, əks halda  siz asanlıqla təkrar yoluxa bilərsiniz.
Süzənək ilə xəstələnmə zamanı şəxsi gigiyena qaydalarına ciddi şəkildə riayət etmək lazımdır, tualetə getdikdən sonra əlləri mütləq sabunla yumaq lazımdır. Kişilər sidik kanalından irini sıxıb çıxarmamalıdır - bu infeksiyanın yayılmasına səbəb ola bilər. 
Müalicə müddətində cinsi həyatı dayandırmaq, həmçinin alkoqol və acı yeməklərdən imtina etmək, həddindən artıq fiziki və ruhi gərginliklərdən çəkinmək lazımdır.

Qonoreyanın(tripper) profilaktikası

Cinsi yolla keçən infeksiyalar - qorunma metodları və profilaktika üsülları haqqında- Cinsi yolla keçən xəstəliklər bölməsində oxumaq olar.

Dr. Orxan Agabəyovla Əlaqə:

050 363-83-86 055 655-00-66


Copyright © 2012 www.agabekov.az